Şuşa rayonu üzrə ümumi məhsul buraxılışı və onun istifadəsi haqqında

2024-cü ilin yanvar-iyun aylarında Şuşa rayonunda iqtisadiyyatın əsas sahələri üzrə (sənaye, kənd təsərrüfatı, tikinti-quraşdırma işləri, nəqliyyat və anbar təsərrüfatı, informasiya və rabitə, ticarət; nəqliyyat vasitələrinin təmiri) məhsul buraxılışı əvvəlki ilin müvafiq dövrünə nisbətən  56,6 faiz artaraq, 254683,0 min manat olmuşdur. İstehsal edilmiş məhsulun rayon əhalisinin hər nəfərinə düşən dəyəri 10146,7 manat təşkil etmişdir. 

Rayonda istehsalın ümumi həcminin artmasının əsas səbəbi 2023-cü ilin müvafiq dövrü ilə müqayisədə sənaye müəssisələri üzrə 176,6 faiz,  kənd təsərrüfatı üzrə 21,9 faiz, tikinti-quraşdırma işləri üzrə 55,0 faiz, ticarət; nəqliyyat vasitələrinin təmiri üzrə 108,2 faiz artmasıdır. 

Məhsulun 7932,6 min manatı sənayedə, 4259,9 min manatı kənd təsərrüfatı, meşə təsərrüfatı və balıqçılıq sahəsində, 240303,7 min manatı tikinti-quraşdırma işləri sahəsində, 243,2  min manatı nəqliyyat və anbar təsərrüfatı sahələrində,  88,3  min manatı informasiya və rabitə sahələrində,  ticarət; nəqliyyat vasitələrinin təmiri sahələrində isə 1855,3 min manat olmuşdur. 

 

Şuşa Rayon Statistika İdarəsinin rəis müavini

Asəf Mikayılov